മുന്‍ രാഷ്ട്രപതി എ പി ജെ അബ്‌ദുല്‍ കലാം അന്തരിച്ചു

Thejas - 3 hours 35 min ago
മുന്‍ രാഷ്ട്രപതി എ പി ജെ അബ്‌ദുല്‍ കലാം (84) അന്തരിച്ചു. ഹൃദയാഘാതംമൂലം വൈകീട്ട്‌ എഴരയോടെയായിരുന്നു മരണം.
Categories: general

മല്ലികയുടെ ബാല്യകാല ചിത്രം

Metro - 4 hours 55 min ago

മല്ലിക സുകുമാരന്‍റെ ബാല്യകാലത്തെ ഫോട്ടൊയാണിപ്പോള്‍ സോഷ്യല്‍ മീഡിയകളില്‍ വൈറല്‍. മകന്‍ പൃഥ്വിരാജാണ് ബ്ലാക്ക് ആന്‍ഡ് വൈറ്റ് ഫോട്ടൊ ഫെയ്സ്ബുക്കില്‍ പോസ്റ്റ് ചെയ്തത്. ഷീല്‍ഡും ട്രോഫിയും കൈയില്‍ പിടിച്ചാണ് കുഞ്ഞു മല്ലികയുടെ നില്‍പ്പ്. ഏതോ മത്സരത്തില്‍ വിജയിച്ച ശേഷം എടുത്ത ചിത്രമാണിതെന്ന് ഉറപ്പാണ്. പൃഥ്വിരാജ് ഫോട്ടൊ പോസ്റ്റ് ചെയ്തതോടെ നിരവധി പേര്‍ ലൈക്കും കമന്‍റുമായി എത്തി. ഗുഡ് ഫോട്ടൊ, നൈസ്, ക്യൂട്ട് എന്നൊക്കെ പറഞ്ഞാണ് കമന്‍റുകള്‍. ആരാധിക്കാന്‍ ഞങ്ങള്‍ക്കൊരു ഏട്ടനെ തന്ന അമ്മ എന്നുവരെ ചില കടുത്ത പൃഥ്വിരാജ് ആരാധകര്‍ കമന്‍റിട്ടു.

Categories: general

അയാള്‍ ഞാനല്ല: ആദ്യ ഗാനം പുറത്തിറങ്ങി

Metro - 5 hours 35 sec ago

ഫഹദ് ഫാസില്‍ നായകനായ അയാള്‍ ഞാനല്ല എന്ന ചിത്രത്തിലെ ആദ്യ ഗാനം പുറത്തിറങ്ങി. വ്യത്യസ്തമായ മൂന്നു ഗെറ്റപ്പുകളിലാണ് ഫഹദ് സിനിമയില്‍ പ്രത്യക്ഷപ്പെടുന്നത്. ഗാനം ഇതിനോടകം തന്നെ സോഷ്യല്‍ മീഡിയകളില്‍ വൈറലായി കഴിഞ്ഞു. ജോബ് കുര്യന്‍, വിധു പ്രധാപ്, സിതാര, നവാസ്,സൂര്യ നാരായണന്‍ എന്നിവര്‍ ചേര്‍ന്നാണ് ഗാനം ആലപിച്ചിരിക്കുന്നത്. അനൂപ് ശങ്കറിന്‍റെ വരികള്‍ക്ക് മനു രമേശനാണ് ഈണം. മികച്ച രീതിയിലാണ് ഗാനം ചിത്രീകരിച്ചിരിക്കുന്നത്. നടന്‍ വിനീത് കുമാറാണ് അയാള്‍ ഞാനല്ല സംവിധാനം ചെയ്യുന്നത്. ചിത്രത്തിന്‍റെ ട്രെയ്ലര്‍ കഴിഞ്ഞ ദിവസമാണ് പുറത്തിറങ്ങിയത്. സംവിധായകന്‍ രഞ്ജിത്തിന്‍റെ കഥയ്ക്ക് വിനീത് കുമാര്‍ തന്നെ തിരക്കഥയും സംഭാഷണവും രചിച്ചിരിക്കുന്നു. ഷാംദത്താണ് ഛായാഗ്രഹണം. രഞ്ജിത്തിന്‍റെ സഹോദരന്‍ രഘുനാഥും കെ.ജി. സുരേഷും ചേര്‍ന്നാണ് ചിത്രം നിര്‍മിച്ചിരിക്കുന്നത്. ഫഹദ് ഫാസില്‍ ഇതുവരെ ചെയ്ത സിനിമകളില്‍ നിന്നു തീര്‍ത്തും വ്യത്യസ്തമായ ചിത്രമായിരിക്കും അയാള്‍ ഞാനല്ല.

Categories: general

പ്രധാനമന്ത്രിയെ സന്ദര്‍ശിച്ച് പ്രഭാസ്

Metro - 5 hours 1 min ago

ബാഹുബലിയിലെ നായകന്‍ പ്രഭാസ് പ്രധാനമന്ത്രി നരേന്ദ്ര മോദിയെ സന്ദര്‍ശിച്ചു. മോദി തന്‍റെ ഫെയ്സ്ബുക്ക് പേജില്‍ പ്രഭാസിനോടൊപ്പമുള്ള ഫോട്ടൊകള്‍ പോസ്റ്റ് ചെയ്തതോടെയാണ് സംഭവം മാധ്യമങ്ങള്‍ അറിഞ്ഞത്. പ്രധാനമന്ത്രിയെ കാണാന്‍ സാധിച്ചതില്‍ അതിയായ സന്തോഷമുണ്ടെന്നും ഒരുപാട് നേരം സിനിമയെപ്പറ്റി സംസാരിച്ചെന്നും പ്രഭാസ് പറഞ്ഞു. മാത്രമല്ല അദ്ദേഹത്തോട് സിനിമ കാണാന്‍ ആവശ്യപ്പെടുകയും ചെയ്തു. തിരക്കുള്ള സമയമാണിതെന്നും സമയമുള്ളപ്പോള്‍ ബാഹുബലി തീര്‍ച്ചയായും കാണുമെന്ന് മോദി പറഞ്ഞതായും പ്രഭാസ് പറഞ്ഞു.
സിനിമയുടെ പ്രചാരണത്തിന്‍റെ ഭാഗമായി ഡല്‍ഹിയിലുള്ള പ്രഭാസ് കഴിഞ്ഞ ദിനം ആഭ്യന്തരമന്ത്രി രാജ്നാഥ് സിങ്ങിനെ കണ്ടിരുന്നു. ഇന്ത്യയിലെ ഏറ്റവും ചെലവേറിയ സിനിമയായ ബാഹുബലി കലക്ഷന്‍റെ കാര്യത്തിലും റെക്കോഡുകള്‍ തകര്‍ക്കുകയാണ്. എസ്.എസ്. രാജമൗലി സംവിധാനം ചെയ്ത ചിത്രത്തില്‍ പ്രഭാസ്, റാണ ദഗ്ഗുബതി, തമന്ന, അനുഷ്ക ഷെട്ടി, നാസര്‍, സത്യരാജ്, രമ്യ കൃഷ്ണന്‍ എന്നിവരാണ് പ്രധാന വേഷത്തില്‍.

Categories: general

പത്തൊമ്പതാം വയസില്‍ ചാര്‍ട്ടേഡ് അക്കൗണ്ടന്‍റ്

Metro - 5 hours 3 min ago

ഇന്ത്യയില്‍ വിജയ ശതമാനം കുറഞ്ഞ പരീക്ഷകളില്‍ ആദ്യ സ്ഥാനത്താണ് ചാര്‍ട്ടേണ്ട് അക്കൗണ്ടന്‍റ് എക്സാം. നിരവധി പേരാണ് ഒരോ വര്‍ഷവും സിഎ ലഭിക്കാന്‍ പരീക്ഷ എഴുതുന്നത്. എന്നാല്‍ വിജയിക്കുന്നത് രണ്ടോ മൂന്നോ ശതമാനം പേര്‍ മാത്രം. ഇവര്‍ക്കിടയില്‍ അത്ഭുതമാകുകയാണ് നിശ്ചല്‍ നാരായണന്‍ എന്ന 19 കാരന്‍. 19ാം  വയസില്‍ പരീക്ഷ പാസായി ഇന്ത്യയിലെ ഏറ്റവും പ്രായം കുറഞ്ഞ ചാര്‍ട്ടേഡ് അക്കൗണ്ടന്‍റായി മാറിയിരിക്കുന്നു ഈ ഹൈദരാബാദ്കാരന്‍. എന്നാല്‍ പ്രൊഫഷനലായി സിഎ പ്രാക്റ്റീസ് ചെയ്യണമെങ്കില്‍ നിശ്ചലിന് ഇനിയും കാത്തിരിക്കണം. 21 വയസ് പൂര്‍ത്തിയായാല്‍ മാത്രമേ ഇന്ത്യയില്‍ സിഎ പ്രാക്റ്റീസ് ചെയ്യാന്‍ പറ്റൂ. കൊച്ചു പ്രായത്തില്‍ വലിയ നേട്ടങ്ങള്‍ സ്വന്തമാക്കി ലോകത്തെ നിശ്ചല്‍

നിശ്ചല്‍ അമ്മയ്ക്കൊപ്പം

നിശ്ചല്‍ അമ്മയ്ക്കൊപ്പം

അത്ഭുതപ്പെടുത്തുന്നത് ആദ്യമല്ല. ബുദ്ധി ശക്തി കൊണ്ടു നിരവധി നേട്ടങ്ങളാണ് ഈ യുവാവ് സ്വന്തമാക്കിയിട്ടുള്ളത്. എല്ലാവരും പത്താം ക്ലാസ് പാസാകുന്ന പ്രായത്തില്‍ പ്ലസ്ടു എഴുതിയെടുത്തിട്ടുണ്ട് നിശ്ചല്‍. പതിനഞ്ചാമത്തെ വയസില്‍ സ്വന്തമായി കമ്പനി രൂപീകരിച്ചു. അച്ഛന്‍റെ സഹായവുമുണ്ടായിരുന്നു കമ്പനി രൂപീകരണത്തിന്. വിദ്യാര്‍ഥികള്‍ക്ക് പഠനത്തിനുള്ള ടിപ്സ് നല്‍കുന്ന കമ്പനിയായിരുന്നു ഇത്. സംഗതി പെട്ടെന്നു തന്നെ സ്കൂളുകളെ ആകര്‍ഷിച്ചു. രാജ്യത്തിന്‍റെ എല്ലാ ഭാഗത്ത് നിന്നുള്ള സ്കൂളുകളും നിശ്ചലിന്‍റെ പഠന ടിപ്സ് ഉപയോഗിക്കാന്‍ തുടങ്ങി. ഇതോടെ കമ്പനി വളര്‍ന്നു. ഇന്ന് പത്ത് കോടിയുടെ ടേണ്‍ഓവറുണ്ട് ഈ സ്ഥാപനത്തിന്. കണക്ക്, സയന്‍സ് എന്നിവയാണ് കുട്ടികള്‍ക്ക് ഏറ്റവും പ്രയാസമുള്ള വിഷയങ്ങള്‍. ഇതു പഠിക്കാന്‍ സഹായിക്കുന്ന കാര്യങ്ങളാണ് തയാറാക്കിയത്. നമ്മള്‍ പഠിക്കുമ്പോഴാണ് ചില കാര്യങ്ങള്‍ മനസിലാകുക. ഇത്തരം കാര്യങ്ങള്‍ മറ്റുള്ളവര്‍ക്ക് കൂടി പറഞ്ഞു കൊടുക്കുകയാണ് ചെയ്തത്- നിശ്ചല്‍ പറയുന്നു. ഓസ്മാനിയ യൂനിവേഴ്സിറ്റിയില്‍ നിന്നാണ് ബിരുദവും ബിരുദാനന്തര ബിരുദവും നേടിയത്. കൊമേഴ്സും കണക്കുമാണ് പ്രിയപ്പെട്ട വിഷയങ്ങള്‍. എന്നാല്‍ ഇതെല്ലാം നേടിയത് പതിനാറാമത്തെ വയസിലാണ്. ഒസ്മാനിയ യൂനിവേഴ്സിറ്റിയുടെ ചരിത്രത്തില്‍ ഇത്ര കുറഞ്ഞ പ്രായത്തില്‍ ബിരുദവും ബിരുദാനന്തര ബിരുദവും നേടിയ മറ്റൊരാളില്ല. ഇതെല്ലാം വായിച്ചു നിശ്ചല്‍ വെറുമൊരു പഠിപ്പിസ്റ്റാണെന്നു കരുതണ്ട. കൂട്ടുകാരുടെ കൂടെ കറങ്ങി നടക്കലും സിനിമ കാണലുമൊക്കെയുള്ള സാധാരണ യുവാവ് തന്നെയാണ് കക്ഷി. ആഴ്ചയില്‍ ഒരു സിനിമയെങ്കിലും കൂട്ടുകാരുടെ കൂടെ പോയി കാണും. കിട്ടുന്ന സമയത്ത് മനസിരുത്തി പഠിച്ചാല്‍ എല്ലാവര്‍ക്കും വലിയ വിജയം നേടാമെന്ന് നിശ്ചല്‍ പറയുന്നു.

Categories: general

ആനവേട്ട: വാസുവിന്‍റെ തോക്ക് കണ്ടെത്തി

Metro - 5 hours 3 min ago

കോതമംഗലം: ആനവേട്ടക്കേസിലെ പ്രധാന പ്രതി വാസു ഉപയോഗിച്ചതെന്നു കരുതുന്ന തോക്ക് കണ്ടെടുത്തു. വാസുവിന്‍റെ ബന്ധു പിണ്ടിമന മുത്തംകുഴി ആലുംചുവട്ടില്‍ ഐക്കരമറ്റം ജിതിന്‍റെ (29) വീട്ടില്‍നിന്നാണ് ഇതു കിട്ടിയത്. ജിതിനെ അന്വേഷണസംഘം അറസ്റ്റ് ചെയ്തു. മൂന്നാം പ്രതി എല്‍ദോസിന്‍റെ മൊഴിയുടെ അടിസ്ഥാനത്തിലാണ് ജിതിന്‍റെ വീട് റെയ്ഡു ചെയ്തത്.
എല്‍ദോസിന്‍റെ മൊഴിയുടെ അടിസ്ഥാനത്തില്‍ മലയാറ്റൂരില്‍ നിന്നും മൂന്നംഗ നായാട്ടു സംഘത്തെ അന്വേഷണസംഘം പിടികൂടി. തോമസ്, പൗലോസ്, ആന്‍റു എന്നിവരെയാണ് പിടികൂടിയത്. ഇവര്‍ വില്‍പ്പനയ്ക്കായി ആനക്കൊമ്പുകള്‍ വാസുവിന് കൈമാറിയിരുന്നെന്ന് പറയുന്നു. കാട്ടുപോത്ത്, കരടി, കാട്ടുപന്നി എന്നിവയെ വേട്ടയാടുകയും ഇറച്ചിയും നെയ്യും പങ്കിട്ടെടുക്കുകയും ചെയ്തിരുന്നുവത്രെ.

Categories: general

ശല്യക്കാരെ ബ്ലോക്ക് ചെയ്യാന്‍ അനുഷ്ക

Metro - 5 hours 6 min ago

സോഷ്യല്‍ മീഡിയകളിലൂടെ സെലിബ്രിറ്റികളെ കളിയാക്കല്‍ നിത്യ സംഭവമാണിപ്പോള്‍. സിനിമാ-ക്രിക്കറ്റ് താരങ്ങളാണ് നമ്മുടെ രാജ്യത്ത് ഇതിനു കൂടുതലായും വിധേയരാവുന്നത്. ചില പ്രസ്താവനകളും വസ്ത്രധാരണവുമൊക്കെയാകും ഇതിനു കാരണം. ട്രോളന്‍മാരുടെ വധത്തിന് വിധേയരായി നാണം കെട്ടു പോയ നിരവധി താരങ്ങളുണ്ട്. അടുത്തിടെ മലയാളത്തിലെ ഒരു സീരിയല്‍ താരത്തിന്‍റെ പ്രസംഗം ഇത്തരത്തില്‍ വിവാദമായിരുന്നു. സോഷ്യല്‍ മീഡിയകളില്‍ ഏറ്റവുമധികം വധത്തിന് വിധേയമാകുന്ന താരങ്ങളില്‍ ഒരാള്‍ അനുഷ്ക ശര്‍മയാണ്. കഴിഞ്ഞ ലോകകപ്പ് ക്രിക്കറ്റ് സെമിയില്‍ ഇന്ത്യ, ഓസ്ട്രേലിയയോട് തോറ്റതോടെയാണ് അനുഷ്ക വധം നടന്നത്. അനുഷ്കയുടെ കാമുകനും ഇന്ത്യന്‍ ടീം വൈസ് ക്യാപ്റ്റനുമായ വിരാട് കോഹ്ലി ഈ മത്സരത്തില്‍ കുറച്ച് റണ്‍സ് മാത്രമാണ് എടുത്തത്. കളികാണാന്‍ അനുഷ്കയും വേദിയിലുണ്ടായിരുന്നു.
കളി തോറ്റതോടെ ആരാധകര്‍ എല്ലാവരും സോഷ്യല്‍ മീഡിയകളിലൂടെ അനുഷ്കയെ ആക്രമിച്ചു. ഇത് ഇപ്പോഴും തുടരുന്നുണ്ടെന്നാണ് താരം പറയുന്നത്. ഇനി തന്നോട് മോശം കമന്‍റുകള്‍ പറയുന്നവരെ ബ്ലോക്ക് ചെയ്യുമെന്നാണ് അനുഷ്ക അറിയിച്ചിരിക്കുന്നത്. ട്വിറ്ററിലാണ് താരം ഇക്കാര്യം അറിയിച്ചത്. തന്നോട് മോശം ട്വീറ്റുകള്‍ ചെയ്യുന്നവരെ ബ്ലോക്ക് ചെയ്യുമെന്ന് അനുഷ്ക കട്ടായം പറഞ്ഞിരിക്കുകയാണ്. ഇക്കാര്യം അനുഷ്ക ട്വീറ്റ് ചെയ്തതോടെ പിന്തുണയുമായി നിരവധി സെലിബ്രറ്റികള്‍ രംഗത്ത് എത്തി. ബിഗ് ബി അമിതാഭ് ബച്ചനാണ് ആദ്യം പ്രതികരണമായി എത്തിയത്. ബച്ചന്‍റെ ട്വീറ്റിന് മറുപടിയും നല്‍കി അനുഷ്ക. സാനിയ മിര്‍സയും അനുഷ്കയെ പിന്തുണച്ച് രംഗത്ത് എത്തി. ഋഷി കപൂര്‍, ജാവേദ് അക്തര്‍, കരണ്‍ ജോഹര്‍ എന്നിവരും ഇത്തരത്തില്‍ ശല്യക്കാരെ ബ്ലോക്ക് ചെയ്തിരുന്നു.

Categories: general

സ്വപ്നങ്ങള്‍ കാണാന്‍ പഠിപ്പിച്ച മനുഷ്യന്‍

Madhyamam - 5 hours 12 min ago
Image:  Subtitle:  ഇതിഹാസ സമാനമായ സ്വന്തം ജീവിതത്തിന്‍െറ തീക്ഷ്ണമായ അനുഭവങ്ങളുടെ ചുറ്റുവട്ടങ്ങളില്‍നിന്നായിരുന്നു സ്വപ്നം കാണൂ എന്ന് കലാം പറഞ്ഞുകൊണ്ടിരുന്നത് Byline:  കെ.എ. സൈഫുദ്ദീന്‍

രാമേശ്വരത്തുകാരുടെ സ്വപ്നങ്ങള്‍ എന്നും തൊട്ടരികിലെ കടലില്‍ അദൃശ്യമായ രേഖകളാല്‍ വരച്ച അതിര്‍ത്തികള്‍ക്കുള്ളില്‍ ഒതുങ്ങിനിന്നിരുന്നു. ആ കടല്‍ത്തീരത്തുനിന്ന് അതിരുകളില്ലാത്ത ആകാശത്തിലേക്ക് സ്വപ്നങ്ങളുമായി കടന്നുചെന്ന് ഇന്ത്യയുടെ പ്രഥമ പൗരന്‍വരെയായിത്തീര്‍ന്ന അതിശയത്തിന്‍െറ പേരായിരുന്നു അവുല്‍ പക്കീര്‍ ജൈനുല്‍ ആബ്ദീന്‍ എന്ന എ.പി.ജെ. അബ്ദുല്‍ കലാം.

ശതകോടി ഇന്ത്യക്കാരെ സ്വപ്നം കാണാനും ആ സ്വപ്നങ്ങളിലേക്ക് അഗ്നിയില്‍ മുളച്ച ചിറകുകള്‍കൊണ്ട് പറന്നത്തൊനും പഠിപ്പിച്ച കലാം അവസാനിക്കാത്ത സ്വപ്നങ്ങളെക്കുറിച്ച് എപ്പോഴും വാചാലനായിരുന്നു. ഇതിഹാസ സമാനമായ സ്വന്തം ജീവിതത്തിന്‍െറ തീക്ഷ്ണമായ അനുഭവങ്ങളുടെ ചുറ്റുവട്ടങ്ങളില്‍നിന്നായിരുന്നു സ്വപ്നം കാണൂ എന്ന് കലാം പറഞ്ഞുകൊണ്ടിരുന്നത്.

രാമേശ്വരത്തെ സാധാരണ മത്സ്യത്തൊഴിലാളിയുടെ മകനായി ജനിച്ച കലാം ഇന്ത്യയുടെ മിസൈല്‍ മാനും രാഷ്ട്രപതിയുമായി മാറിയത് സ്വപ്നതുല്യമായ അനുഭവമായിരുന്നു. 1931 ഒക്ടോബര്‍ 15ന് രാമേശ്വരത്തെ സാധാരണ കുടുംബത്തില്‍ ജൈനുല്‍ ആബ്ദീന്‍ എന്ന കടത്തുകാരന്‍െറ അഞ്ചു മക്കളില്‍ ഒരുവനായി ജനിച്ച കലാം മാത്രമായിരുന്നു പഠനത്തിന്‍െറ വഴി തെരഞ്ഞെടുത്തത്. ഷെവാര്‍ഡ്സ് ഹൈസ്കൂളിലെ പഠനത്തിനുശേഷം കുടുംബത്തെ ദാരിദ്ര്യത്തില്‍നിന്ന് കരകയറ്റാന്‍ തുഴയേന്തുന്ന പിതാവിന് തുണയാകാന്‍ പത്രവില്‍പനക്കാരന്‍െറ ജോലിയും കലാം ചെയ്തു. തൃശ്ശിനാപ്പള്ളിയിലെ രാമനാഥപുരം സെന്‍റ് ജോസ്ഫ്സ് കോളജില്‍നിന്ന് ബിരുദം നേടിയശേഷം മദ്രാസിലെ ഇന്‍സ്റ്റിറ്റ്യൂട്ട് ഓഫ് ടെക്നോളജിയില്‍ നിന്ന് എയ്റോനോട്ടിക്കല്‍ എന്‍ജിനീയറിങ് പാസായി.

ആകാശത്തേക്ക് വിക്ഷേപിക്കുന്ന മിസൈലുകള്‍ ഇന്ത്യന്‍ മഹാസമുദ്രത്തിന്‍െറ ആഴങ്ങളിലേക്ക് കൂപ്പുകുത്തുന്ന കാലത്താണ് കലാം 1964ല്‍ തുമ്പ ഐ.എസ്.ആര്‍.ഒയില്‍ ജോലിക്കത്തെുന്നത്. അഗ്നിയും പൃഥ്വിയും ആകാശങ്ങളിലേക്ക് ഇന്ത്യന്‍ അഭിമാനമായി തുളച്ചുകയറുമ്പോള്‍ അതിനുപിന്നില്‍ കലാം എന്ന മനുഷ്യന്‍െറ സ്ഥിരോത്സാഹവും കഠിന പ്രയത്നവുമായിരുന്നു നിറഞ്ഞുനിന്നത്. ഒപ്പമുള്ള ശാസ്ത്രകാരന്മാരിലേക്കുകൂടി പകര്‍ന്നുകൊടുത്ത ആവേശം ശാസ്ത്ര സാങ്കേതിക നേട്ടങ്ങളുടെ പുതിയ ചക്രവാളങ്ങളിലേക്ക് ഐ.എസ്.ആര്‍.ഒക്ക് പറന്നുയരാന്‍ ചിറകുനല്‍കിയത് കലാമായിരുന്നു.

പരാജയങ്ങള്‍ മാത്രം കുത്തകയായിരുന്ന ഹൈദരാബാദിലെ ഡിഫന്‍റ്സ് റിസര്‍ച് ആന്‍ഡ് ഡെവലപ്മെന്‍റ് ലബോറട്ടറിയുടെ തലവനായി കലാം 1982ല്‍ ചുമതലയേറ്റത് ഇന്ത്യന്‍ മിസൈല്‍ സാങ്കേതികവിദ്യയിലെ വഴിത്തിരിവാകുകയായിരുന്നു. ഡി.ആര്‍.ഡി.എ തലവനായി കലാമിനെ തെരഞ്ഞെടുത്തതിനെപ്പറ്റി പ്രമുഖ ആണവ ശാസ്ത്രകാരന്‍ ഡോ. രാജാ രാമണ്ണ പറഞ്ഞത് സത്യമാവുകയായിരുന്നു.

‘ദീര്‍ഘകാലമായി സുഖനിദ്രയിലായിരുന്ന ഈ സ്ഥാപനത്തിന് പുതുജീവന്‍ കൈവരാന്‍ ഈ നിയമനം സഹായിക്കും’ എന്ന് രാജാ രാമണ്ണ പറഞ്ഞത് പില്‍ക്കാലത്ത് ചരിത്രമായി. സമയവും കാലവുമൊന്നും കലാമിന് വിഷയമായിരുന്നില്ല. ഊണും ഉറക്കവും ഉപേക്ഷിച്ച് മിസൈലുകളെ പ്രണയിച്ച് നടന്ന കലാം കൂട്ടത്തില്‍ കുടുംബവും വിവാഹവുംകൂടി ഉപേക്ഷിച്ചു. മിസൈല്‍ രംഗത്ത് ഇന്ത്യയെ സ്വയംപര്യാപ്തതയില്‍ എത്തിക്കുകയെന്നതായിരുന്നു കലാമിന്‍െറ ലക്ഷ്യം. ആ സ്ഥിരോത്സാഹത്തിന് പകരമായി രാജ്യം അദ്ദേഹത്തിന് ഭാരതരത്ന നല്‍കി ആദരിച്ചു. പത്മഭൂഷണും പത്മവിഭൂഷണും അടക്കം പുരസ്കാരങ്ങളുടെ ഘോഷയാത്രയിലൂടെയായിരുന്നു കലാം കടന്നുപോയത്. പിന്നീട് പ്രധാനമന്ത്രിയുടെ ശാസ്ത്ര സാങ്കേതിക ഉപദേഷ്ടാവായി കലാം മാറി.

2002ല്‍ കെ.ആര്‍. നാരായണന്‍ രാഷ്ട്രപതി സ്ഥാനത്തുനിന്ന് പടിയിറങ്ങുമ്പോള്‍ ആ കസേരയിലേക്ക് വരാനുള്ള നിയോഗമുണ്ടായത് എ.പി.ജെ. അബ്ദുല്‍ കലാമിനായിരുന്നു. 2002 ജൂലൈ 25ന് രാജ്യത്തിന്‍െറ 11ാമത് പ്രസിഡന്‍റായി കലാം ചുമതലയേറ്റു. സാങ്കേതിക പുരോഗതിയിലേക്ക് കുതിക്കുന്ന ഒരിന്ത്യയെക്കുറിച്ച നിരന്തരമായ സ്വപ്നങ്ങളായിരുന്നു കലാം ഈ കാലയളവില്‍ പങ്കുവെച്ചത്. രാമേശ്വരത്തെ കടലോരത്തുനിന്നു കണ്ട സ്വപ്നങ്ങള്‍ പിന്തുടര്‍ന്ന് രാഷ്ട്രപതിഭവന്‍ വരെ കടന്നത്തെിയ തന്‍െറ ജീവിതമായിരുന്നു അതിന് കലാം സാക്ഷ്യപത്രമായി ഹാജരാക്കിയത്. 2007ല്‍ വീണ്ടും പ്രസിഡന്‍റായി തെരഞ്ഞെടുക്കപ്പെടുമെന്നു കരുതിയെങ്കിലും രാഷ്ട്രീയത്തിന്‍െറ ചതുരംഗ പലകയില്‍ കലാം വെട്ടിവീഴ്ത്തപ്പെട്ടു.

83ാമത്തെ വയസ്സില്‍ കലാം മറയുമ്പോള്‍ കലാം പറഞ്ഞ വാക്കുകള്‍ പിന്നെയും ബാക്കിയാവുന്നു...  ‘അഗ്നിച്ചിറകുകള്‍’ എന്ന ആത്മകഥയില്‍ പിതാവിന്‍െറ വാക്കുകളിലൂടെ കലാം എഴുതി: ‘കടല്‍പ്പക്ഷികള്‍ താവളങ്ങള്‍ മറന്ന് സൂര്യനെ നോക്കി പറക്കുന്നത് നീ കണ്ടിട്ടില്ളേ. ആശകള്‍ സാധിക്കുന്നിടത്തേക്ക് നീയും പറക്കുക. ബാധ്യതകള്‍ ഇവിടെ ഉപേക്ഷിക്കുക...’ സ്വപ്നങ്ങളുടെ ഭാണ്ഡക്കെട്ടുകള്‍ ഇവിടെ ഏല്‍പിച്ച് കലാം പറന്നുപോയിരിക്കുന്നു.

Categories: general

രാത്രി ചപ്പാത്തിയും പാലുമായി കലാമിനെ കാത്തിരുന്ന കാലം......

Madhyamam - 5 hours 14 min ago
Image:  Byline:  ആര്‍. സുനില്‍

തിരുവനന്തപുരം: കടയടച്ചിട്ടും രാത്രി ചപ്പാത്തിയും പാലുമായി ഡോ.എ.പി.ജെ. അബ്ദുല്‍ കലാമിനെ കാത്തിരുന്ന എഴുപതുകളാണ് പരമേശ്വരന്‍ നായരുടെ ഓര്‍മയില്‍ തെളിയുന്നത്. സെക്രട്ടേറിയറ്റിന് സമീപം ഗാന്ധാരിയമ്മന്‍ കോവില്‍ റോഡിലെ ‘ഗുരുവായൂരപ്പന്‍’ ഹോട്ടലായിരുന്നു കലാമിന്‍െറ ഭക്ഷണശാല. സാധാരണ ബുധന്‍, ശനി ദിവസങ്ങളിലാണ് രാത്രി 11-12 മണിയോടെ കലാം ഭക്ഷണത്തിന് എത്തിയിരുന്നത്. ആദ്യകാലത്ത് ബസില്‍ വന്നിറങ്ങി നടന്നാണ് വന്നിരുന്നത്. പന്നീട് പദവി കുറച്ചുകൂടി ഉയര്‍ന്നപ്പോള്‍ ഓഫിസില്‍നിന്ന് വണ്ടിയില്‍ കൊണ്ടുവിട്ടുതുടങ്ങി. രണ്ട് ചപ്പാത്തിയും ഒരു ഗ്ളാസ് പാലും വാങ്ങിപ്പോകുമ്പോള്‍ തമിഴില്‍ രണ്ടുവാക്കുകള്‍ പരസ്പരം കൈമാറി. ജീവിതത്തിലും ചിന്തയിലും  രണ്ടറ്റത്ത് നില്‍ക്കുന്നവര്‍ തമ്മിലെ ആശയവിനിമയമായിരുന്നു അത്.

മിക്കപ്പോഴും മൗനംകൊണ്ടാണ് പരസ്പരം കാര്യങ്ങള്‍ ഗ്രഹിച്ചത്. ചിന്തയുടെ നിഴലിളക്കം പലപ്പോഴും കണ്ണുകളിലുണ്ടായിരുന്നതായി പരമേശ്വരന്‍ നായര്‍ ഓര്‍ക്കുന്നു. ഒരുപക്ഷേ, അതാവാം പരമേശ്വരന്‍നായരെ ആകര്‍ഷിച്ചത്... കാലത്തെ മാറ്റിമറിക്കാന്‍ കഴിയുന്ന പുറപ്പാടിലാണെന്ന് തിരിച്ചറിഞ്ഞുകൊണ്ടായിരുന്നില്ല അത്. എങ്കിലും ഒരടുപ്പവും ബഹുമാനവും തോന്നിയിരുന്നു. പ്രത്യേകിച്ച് മമതയൊന്നും കലാം തന്നോട് കാട്ടിയിരുന്നില്ളെന്നും പരമേശ്വരന്‍ നായര്‍ ഓര്‍ക്കുന്നുണ്ട്. എങ്കിലും റൂമില്‍ കൊണ്ടുപോയി കഴിച്ചുകൊള്ളാമെന്ന വാക്കില്‍ സൗഹൃദത്തിന്‍െറ സൗരഭ്യമുണ്ടായിരുന്നു. ഹോട്ടലിന് സമീപം അന്നുണ്ടായിരുന്ന ഇന്ദിരഭവന്‍ ലോഡ്ജിലായിരുന്നു വാസം. ആ ലോഡ്ജ് ഇന്നില്ല.

ചിലപ്പോള്‍ രാവിലെ കടയില്‍വന്ന് രണ്ട് അപ്പവും ഒരു ഗ്ളാസ് പാലും കഴിക്കും. ഇരിക്കില്ല. നിന്നുകൊണ്ടാണ് കഴിപ്പ്. പൈസ മേശപ്പുറത്ത് വെക്കുന്നത് മാത്രം കാണാം. പിന്നീട് പുറത്തേക്ക് പാഞ്ഞൊരു പോക്കാണ്. ഇതാരാണെന്ന് തിരക്കിയപ്പോഴാണ്  ശാസ്ത്രജ്ഞനാണെന്നറിഞ്ഞത്. ഒഴിവ് ദിവസങ്ങളില്‍ ഉച്ചക്കും ഭക്ഷണം കഴിക്കാനത്തെി. കുറച്ച് ചോറെടുത്ത് രസമൊഴിച്ച് കഴിക്കും. അതും നിന്നുകൊണ്ടുതന്നെയാണ്. പൈസ തരാന്‍ മറന്നുപോയാല്‍ ഓര്‍മിപ്പിക്കണമെന്ന് നിര്‍ദേശവും നല്‍കി. കൂട്ടുകാര്‍ ആരും ഉണ്ടായിരുന്നതായി അറിയില്ല. ഇവിടേക്ക് ആരും വന്നിട്ടില്ല. കുറച്ച് അടുപ്പമായപ്പോള്‍ വഴിയില്‍വെച്ചുകണ്ടാല്‍ ഗുരുവായൂരപ്പനെന്ന് വിളിക്കും.

പ്രസിഡന്‍റ് ആകുന്നതിനുമുമ്പും പ്രസിഡന്‍റ് ആയശേഷവും തിരുവനന്തപുരത്ത് വന്നപ്പോള്‍ കുടുംബത്തെ രാജ്ഭവനിലേക്ക് വിളിപ്പിച്ചു. അന്ന് എടുത്ത ഫോട്ടോകള്‍ ഗുരുവായൂരപ്പന്‍ ഹോട്ടലില്‍ കാണം. കലാമിനെപ്പോലെ യേശുദാസും  ഗുരുവായൂരപ്പനിലെ സന്ദര്‍ശകനായിരുന്നു. ഇതേക്കുറിച്ചും പരമേശ്വരന്‍നായര്‍ പറയും. രണ്ടുപേരും രണ്ടുസമയത്താണ് വന്നുപോയത്. കലാമിനെ ആരും തിരിച്ചറിഞ്ഞിരുന്നില്ല. അതേസമയം, യേശുദാസ് പാട്ടുകാരന്‍ എന്നനിലയില്‍ അന്ന് എല്ലാവര്‍ക്കും അറിയാമായിരുന്നു. കലാം എന്ന സൗഹൃദം അസ്തമിച്ചെന്ന് വിശ്വസിക്കാന്‍ ഇപ്പോഴും പരമേശ്വരന്‍ നായര്‍ക്ക് കഴിയുന്നില്ല.

Categories: general

കണ്ടില്ല കേട്ടില്ല

Metro - 5 hours 14 min ago

ഇന്ത്യന്‍ ക്രിക്കറ്റ് താരവുമായി അടുപ്പമുണ്ടായിരുന്ന നര്‍ത്തകിയാണ് കക്ഷി. ക്രിക്കറ്റ് താരം രണ്ടു തവണ വിവാഹം കഴിച്ചതാണ്. നര്‍ത്തിയാകട്ടെ ഇപ്പോഴും അവിവാഹിത. ഇപ്പോള്‍ ഈ ബന്ധത്തെക്കുറിച്ച് ചോദിച്ചാല്‍ രണ്ടു പേരും മുഖം തിരിക്കുമെന്നാണ് ലഭിക്കുന്ന വിവരം.

Categories: general

ആലിയ ഭട്ടിന്‍റെ പുതിയ ദൗത്യം

Metro - 5 hours 16 min ago

യാതൊരു വിവരവുമില്ലാത്ത കുട്ടിയെന്നാണ് ആലിയ ഭട്ടിനെ വിശേഷിപ്പിക്കാറ്. മണ്ടത്തരങ്ങള്‍ പറഞ്ഞു വാര്‍ത്ത സൃഷ്ടിച്ച് ഈ വിശേഷണത്തോട് ആലിയ ആത്മാര്‍ഥത പുലര്‍ത്തുന്നു. സോഷ്യല്‍ മീഡിയകളിലെല്ലാം ആലിയയുടെ മണ്ടത്തരങ്ങള്‍ മിക്കപ്പോഴും വൈറലാകാറുമുണ്ട്. എന്നാല്‍ ഇനി ആലിയയെ കാര്യശേഷിയില്ലാത്ത താരമെന്നു വിളിക്കരുത്. കൂടുതല്‍ ഉത്തരവാദിത്തങ്ങള്‍ ഏറ്റെടുക്കാന്‍ ആലിയ തയാറായി കഴിഞ്ഞു. സംവിധായകന്‍ കരണ്‍ ജോഹറാണ് ഭാരിച്ച ഉത്തരവാദിത്തങ്ങള്‍ താരത്തെ ഏല്‍പ്പിച്ചിരിക്കുന്നത്. തന്‍റെ അടുത്ത ചിത്രത്തിന്‍റെ പോസ്റ്റ് പ്രൊഡക്ഷന്‍ ജോലികളെല്ലാം ആലിയ ഭട്ടിനെ കരണ്‍ ജോഹര്‍ ഏല്‍പ്പിച്ചുവെന്നാണ് ബോളിവുഡില്‍ നിന്നു ലഭിക്കുന്ന വിവരം. കപൂര്‍ ആന്‍ഡ് സണ്‍സ് എന്ന ചിത്രത്തിന്‍റെ പോസ്റ്റ് പ്രൊഡക്ഷന്‍ ജോലികളാണ് ആലിയ നോക്കി നടത്തുന്നത്. ആലിയ തന്നെയാണ് ഈ ചിത്രത്തിലെ നായിക. ആലിയ ഇക്കാര്യങ്ങള്‍ എങ്ങിനെ കൈകാര്യം ചെയ്യുമെന്ന് കരണ്‍ വിലയിരുത്തുന്നുമുണ്ട്. ശകുന്‍ ബത്രയാണ് കപൂര്‍ ആന്‍ഡ് സണ്‍സ് സംവിധാനം ചെയ്യുന്നത്. സിദ്ധാര്‍ഥ് മല്‍ഹോത്ര, ഫവാദ് ഖാന്‍, ഋഷി കപൂര്‍ തുടങ്ങിയവരാണ് മറ്റു താരങ്ങള്‍. കപൂര്‍ ആന്‍ഡ് സണ്‍സിന്‍റെ വിധി എന്തായിരിക്കുമെന്ന് കണ്ടറിയുക തന്നെ വേണം. ‌

Categories: general

വരുണ്‍ ധവാന്‍ പ്രതിഫലം കൂട്ടി

Metro - 5 hours 20 min ago

കാറ്റുള്ളപ്പോള്‍ തൂക്കണമെന്നൊരു പഴഞ്ചൊല്ലുണ്ട്. ബോളിവുഡ് താരം വരുണ്‍ ധവാന് ഇക്കാര്യം നന്നായി അറിയാം. ഇതിനാല്‍ തന്‍റെ പ്രതിഫലം കുത്തനെ കൂട്ടിയിരിക്കുകയാണ് താരം. വരുണ്‍ നായകനായ സിനിമകളെല്ലാം ഇപ്പോള്‍ തുടര്‍ച്ചയായി വിജയം കൊയ്യുകയാണ്. ഹംപ്റ്റി ശര്‍മ മുതല്‍ എബിസിഡി 2 വരെ നല്ല കലക്ഷന്‍ നേടി. എബിസിഡി 2 നൂറു കോടി ക്ലബ്ബില്‍ അംഗമാവുകയും ചെയ്തു. ഈ സമയത്ത് പ്രതിഫലം കൂട്ടിയില്ലെങ്കില്‍ പിന്നെ എപ്പോഴാണെന്നാണ് താരം ചോദിക്കുന്നത്. 25 കോടിയാണ് ഒരു സിനിമയ്ക്കിപ്പോള്‍ വരുണ്‍ വാങ്ങുന്നതെന്നാണ് വാര്‍ത്തകള്‍. പത്ത് കോടിയില്‍ നിന്ന് ഒറ്റയടിക്കാണ് ഈ വര്‍ധന. രണ്‍ബീര്‍ കപൂര്‍, ഷാഹിദ് കപൂര്‍ എന്നിവര്‍ ഇതേ പ്രതിഫലമാണ് വാങ്ങുന്നത്. യുവതാരങ്ങളില്‍ ഒന്നാം നിരയില്‍ താന്‍ എത്തിയെന്നാണ് വരുണിന്‍റെ വിശദീകരണം. എന്നാല്‍ പ്രതിഫലം കൂട്ടിയതില്‍ നിര്‍മാതാക്കള്‍ക്കൊന്നും പ്രശ്നമല്ല. എങ്ങിനെയെങ്കിലും താരത്തിന്‍റെ ഡേറ്റ് കിട്ടിയാല്‍ മതിയെന്നാണ് ഇവരുടെ പക്ഷം. കാരണം യുവാക്കള്‍ക്കെല്ലാം ഏറെ പ്രിയങ്കരനാണ് വരുണ്‍. ഡാന്‍സ്, ആക്ഷന്‍, കോമഡി റോളുകളിലെല്ലാം വരുണ്‍ നന്നായി തിളങ്ങും. നല്ല നടനുമാണ്, പിന്നെ കാശു കൂടുതല്‍ കൊടുക്കുന്നതില്‍ തെറ്റൊന്നുമില്ലെന്നാണ് ഇവര്‍ പറയുന്നത്. പിന്നെ സെറ്റിലെല്ലാം നന്നായി പെരുമാറുകയും ചെയ്യും. വ്യക്തി ബന്ധങ്ങള്‍ നിലനിര്‍ത്തുന്നതില്‍ മറ്റു താരങ്ങളെല്ലാം വരുണ്‍ ധവാനെ കണ്ടു പഠിക്കണമെന്നാണിപ്പോള്‍ പറയുന്നത്. അത്ര നല്ല രീതിയിലാണ് വരുണ്‍ സഹപ്രവര്‍ത്തകരോടെല്ലാം പെരുമാറുക.

Categories: general

രണ്‍വീറിന്‍റെ പ്രസ്താവനകള്‍

Metro - 5 hours 21 min ago

രണ്‍വീര്‍ സിങ് ആളൊരു കോമാളിയാണെന്നാണ് മിക്കവരുടേയും വിചാരം. എന്നാല്‍ സത്യത്തില്‍ രണ്‍വീര്‍ ഭയങ്കര സീരിയസ് വ്യക്തിയാണത്രേ. സന്തോഷകരമായ ജീവിതമാണ് രണ്‍വീറിന്‍റെ ആഗ്രഹം. എപ്പോഴും ചിരിക്കാനും തമാശകള്‍ പറയാനും ആഗ്രഹിക്കുന്നു. തന്‍റെ ചുറ്റുമുള്ളവരും ഇങ്ങനെയാകുന്നതാണ് താത്പര്യം. പെട്ടെന്ന് വികാരഭരിതനാകുന്ന സ്വഭാവമാണ് താരത്തിന്. സങ്കടവും സന്തോഷവും പെട്ടെന്ന് കടന്നുവരും. ഒരോ ദിവസം സ്വഭാവത്തില്‍ വരുന്ന മാറ്റങ്ങള്‍ രണ്‍വീര്‍ നിരീക്ഷിക്കുന്നു. കഴിഞ്ഞ ഒരു വര്‍ഷത്തോടെ കൂടുതല്‍ പക്വത കൈവരിച്ചെന്നും താരം പറയുന്നു. ബാജിറാവു മസ്താനിയുടെ അവസാന ചിത്രീകരണത്തിന്‍റെ തിരക്കിലാണ് രണ്‍വീറിപ്പോള്‍. ദീപിക പദുക്കോണും പ്രിയങ്ക ചോപ്രയുമാണ് സിനിമയിലെ നായികമാര്‍. നൂറ്റാണ്ടുകള്‍ക്ക് മുന്‍പുള്ള കഥയാണ് ബാജിറാവു മസ്താനി പറയുന്നത്. തലമൊട്ടയടിച്ചും രണ്‍വീര്‍ ഈ ചിത്രത്തില്‍ അഭിനയിക്കുന്നുണ്ട്.

Categories: general

ജനം നെഞ്ചിലേറ്റിയ ലാളിത്യം

Madhyamam - 5 hours 37 min ago
Image:  Subtitle:  സുഹൃത്തും ശാസ്ത്രജ്ഞനുമായ അലി മണിക്ഫാന്‍ കലാമിനെ ഓര്‍ക്കുന്നു Byline:  ഹസനുല്‍ ബന്ന

രാജ്യത്തിന്‍െറ വിവിധ ഭാഗങ്ങളില്‍നിന്നും രാമേശ്വരത്ത് വന്നുപോകുന്ന എണ്ണമറ്റ തീര്‍ഥാടകര്‍ കര്‍മങ്ങളെല്ലാം കഴിഞ്ഞ ശേഷം അന്വേഷിച്ചത്തെുന്ന മറ്റൊരു തീര്‍ഥാടനകേന്ദ്രമായി മാറിയിരിക്കുന്നു മുന്‍ രാഷ്ട്രപതിയായിരുന്ന മാന്യ സൃഹുത്ത് അബ്ദുല്‍ കലാമിന്‍െറ വീട്. തങ്ങളെ പ്രചോദിപ്പിച്ച രാഷ്ട്രനേതാവിനെ കാണണമെന്നില്ല,  അദ്ദേഹം ജനിച്ചുവളര്‍ന്ന വീട്  കണ്ട് സായുജ്യമടഞ്ഞാല്‍ മതി അവര്‍ക്ക്. വരുന്നവര്‍ക്കെല്ലാം അറിയാം അബ്ദുല്‍ കലാമിനെ കാണാന്‍ കഴിയില്ളെന്ന്. എന്നാലും കൈനിറയെ സമ്മാനങ്ങളുമായിട്ടായിരിക്കും ഈ തീര്‍ഥാടകരുടെ വരവ്. അതാകട്ടെ അടുത്ത കാലംവരെ തിരിച്ചുകൊണ്ടുപോകേണ്ട അവസ്ഥയിലുമായിരുന്നു. സന്ദര്‍ശകരുടെ സമ്മാനങ്ങള്‍ സ്വീകരിക്കരുതെന്ന് സ്വന്തം വീട്ടുകാരെ കര്‍ശനമായി വിലക്കിയിരുന്നു ഈ മനുഷ്യന്‍.

തങ്ങളെ പ്രചോദിപ്പിച്ച ഈ മനുഷ്യനോടുള്ള സ്നേഹത്തിന്‍െറ അടയാളങ്ങളായി ഉത്തരേന്ത്യയില്‍നിന്നുപോലും ദക്ഷിണേന്ത്യയുടെ മറ്റേ അറ്റംവരെ ഏറ്റിവരുന്ന സമ്മാനങ്ങള്‍ മടക്കി അയക്കുന്നത് ഒഴിവാക്കാന്‍ പിന്നീട് വീട്ടുകാര്‍ ഒരു ഉപായം കണ്ടത്തെി. രാഷ്ട്രപതിഭവനില്‍ പരിപാലിക്കുന്നതുപോലെ കൊണ്ടുവരുന്ന സമ്മാനങ്ങള്‍ സൂക്ഷിക്കാനായി വീടിന്‍െറ മുകള്‍ഭാഗം മ്യൂസിയമാക്കി മാറ്റി. രാഷ്ട്രപതി പദത്തില്‍നിന്നിറങ്ങി വര്‍ഷങ്ങളായി അധ്യാപനവുമായി തന്‍െറ ജീവിതയാത്ര തുടരുന്ന കലാമില്‍നിന്ന് എന്തെങ്കിലും പ്രത്യുപകാരം പ്രതീക്ഷിച്ചല്ല, ലാളിത്യംകൊണ്ട് തങ്ങളെ പ്രചോദിപ്പിച്ച ഗുരുവര്യനായ രാഷ്ട്രനേതാവിനോടുള്ള ആദരസൂചകമായിട്ടാണ് സമ്മാനങ്ങളുമായുള്ള തീര്‍ഥാടകരുടെ ഈ വരവ്.

മത്സ്യബന്ധന വകുപ്പുമായി ബന്ധപ്പെട്ട സേവനങ്ങള്‍ക്കായി രാമേശ്വരത്തത്തെിയതാണ് അബ്ദുല്‍ കലാമുമായും അദ്ദേഹത്തിന്‍െറ കുടുംബവുമായുള്ള സുഹൃദ്ബന്ധത്തിലേക്ക് നയിച്ചത്. രാമേശ്വരത്തുനിന്ന് അഞ്ചു കിലോമീറ്റര്‍ അകലെയുള്ള മണ്ഡപം ക്യാമ്പില്‍ മത്സ്യബന്ധനമേഖലയിലെ ശാസ്ത്രഗവേഷണങ്ങളുമായി ബന്ധപ്പെട്ട ജോലിക്കിടയില്‍ കലാമിന്‍െറ ബന്ധു അന്‍സാരിയെ സുഹൃത്തായി കിട്ടിയതാണ് തുടക്കം. അന്‍സാരിയാണ് കലാമിന്‍െറ വീട്ടിലേക്ക് കൊണ്ടുപോയത്. അവിടന്നങ്ങോട്ട് ആ കുടുംബവുമായി ഇഴപിരിയാത്ത ബന്ധമായി.

കര്‍മനിരതനായിരിക്കുന്നതില്‍ കവിഞ്ഞൊന്നും കലാമിന് തൃപ്തി നല്‍കുന്നതായിരുന്നില്ല. കര്‍മനിരതമായ ഈ സമര്‍പ്പണമനോഭാവമാണ് രാമേശ്വരത്തെ സ്വന്തം വീട്ടില്‍പോലും അദ്ദേഹത്തെ അപൂര്‍വ അതിഥിയാക്കി മാറ്റിയത്. സാധാരണക്കാരായ മനുഷ്യരോടുപോലുമുള്ള വിനയം നിറഞ്ഞ പെരുമാറ്റമാണ് കലാമിന്‍െറ ഏറ്റവും വിശേഷപ്പെട്ട ഗുണം. അറിവിന്‍െറ ഭണ്ഡാരമായ ഈ മനുഷ്യന്‍ എന്തുമാത്രം ആദരവോടെയാണ് സാധാരണക്കാരെപ്പോലും അഭിമുഖീകരിക്കാറുള്ളത് എന്നത് സ്വയം അനുഭവിച്ചറിഞ്ഞതാണ്. ഏത് മനുഷ്യനോടും അവര്‍ക്ക് താല്‍പര്യമുള്ള വിഷയത്തില്‍ സംസാരിക്കാനും കലാമിന് കഴിയുമായിരുന്നു.

പ്രധാനമന്ത്രിയുടെ മുഖ്യ പ്രതിരോധ ഉപദേശകനായിരിക്കേ കുടുംബസമേതം ഡല്‍ഹിയില്‍വെച്ച് കണ്ടപ്പോഴും  രാമേശ്വരത്തുകാരനെന്ന നിലയിലായിരുന്നു ഈ വലിയ മനുഷ്യന്‍െറ പെരുമാറ്റം. ശാസ്ത്ര-സാങ്കേതിക മന്ത്രാലയത്തിന് കീഴില്‍ സംഘടിപ്പിച്ച പരിപാടിയില്‍ രാജ്യത്തെ വിവിധ ഭാഗങ്ങളില്‍നിന്നുള്ള ശാസ്ത്രജ്ഞര്‍ കുടുംബസമേതം അന്ന് ഡല്‍ഹിയിലത്തെിയിരുന്നു. മുമ്പൊരിക്കലും പരിചയപ്പെട്ടിട്ടില്ലാത്ത എന്‍െറ ഭാര്യ ഖദീജ മണിക്ഫാന്‍ തമിഴ്നാട്ടുകാരിയാണെന്നറിഞ്ഞതോടെ തമിഴ് പേശാനൊരാളെ കിട്ടിയല്ളോ എന്നു പറഞ്ഞ് കുശലാന്വേഷണം തുടങ്ങി. വീട്ടിലെയും കുട്ടികളുടെയും കാര്യമെല്ലാം ചോദിച്ചറിഞ്ഞ് ഏറെ ഒരു സാധാരണക്കാരന്‍െറ ഭാവത്തിലുള്ള കലാമിന്‍െറ സംസാരം ഭാര്യയെ വല്ലാതെ അദ്ഭുതപ്പെടുത്തിക്കളഞ്ഞു.

കുടുംബവിശേഷങ്ങള്‍ കഴിഞ്ഞാല്‍ ഞങ്ങളിരുവര്‍ക്കും താല്‍പര്യമുള്ള വിഷയം ജലവുമായി ബന്ധപ്പെട്ട ശാസ്ത്രചര്‍ച്ചകളായിരുന്നു. ശുദ്ധജലസംഭരണത്തെക്കുറിച്ച് വളരെ ദീര്‍ഘിച്ച സംഭാഷണം ഞങ്ങള്‍ക്കിടയില്‍ നടന്നിട്ടുണ്ട്. ശാസ്ത്രവിഷയങ്ങളിലുള്ള അദ്ദേഹത്തിന്‍െറ അറിവും പാണ്ഡിത്യവും പ്രതിഫലിക്കുന്ന ആ സംസാരങ്ങളില്‍പോലും വിനയവും ലാളിത്യവും കൈവിടാത്തതുതന്നെയാണ് ആ മനുഷ്യനെ എന്നെന്നേക്കുമായി മഹത്ത്വപ്പെടുത്തുന്നതും.

Categories: general

അണിയറയിലൊരുങ്ങി ബ്ലാസ്റ്റേഴ്സ്

Madhyamam - 5 hours 57 min ago
Image:  Subtitle:  ടീം പ്രഖ്യാപനം ഉടന്‍ •കാര്‍ലോസ് മാര്‍ഷെന മാര്‍ക്വീ താരം •ആറോളം ഇംഗ്ളീഷ് താരങ്ങള്‍ ടീമില്‍ Byline:  എസ്. ഷാനവാസ്

കൊച്ചി: വിദേശ താരങ്ങളുമായി കരാര്‍ ഉറപ്പിക്കാന്‍ ദിവസങ്ങള്‍ ശേഷിക്കെ കൃത്യമായ മുന്നൊരുക്കങ്ങളുമായി കേരള ബ്ളാസ്റ്റേഴ്സ്. മുന്‍വര്‍ഷത്തെപ്പോലെ കുറഞ്ഞ തുകക്ക് മികച്ച താരങ്ങളെ അണിനിരത്താനാണ് ഇത്തവണയും ടീമിന്‍െറ ശ്രമം. മുന്‍ സ്പാനിഷ് താരം കാര്‍ലോസ് മാര്‍ഷെനയെ മാര്‍ക്വീ താരമായി തെരഞ്ഞെടുത്ത ടീം മാനേജ്മെന്‍റ് ഒരു പിടി ഇംഗ്ളീഷ് താരങ്ങള്‍ക്കും ഇക്കുറി അവസരം നല്‍കുന്നുണ്ട്. ലോകകപ്പ്, യൂറോ കപ്പ്, ഇംഗ്ളീഷ് പ്രീമിയര്‍ ലീഗ് മത്സരങ്ങളില്‍ അനുഭവ സമ്പത്തുള്ള താരങ്ങളാണ് ഇത്തവണ മഞ്ഞക്കുപ്പായത്തില്‍ കളിക്കുക.
നിരവധി താരങ്ങളുമായി നടത്തിയ ചര്‍ച്ചകള്‍ക്കുശേഷമാണ് മാര്‍ഷെനയെ മാര്‍ക്വീ താരമായി തെരഞ്ഞെടുത്തത്. ഒൗദ്യോഗിക പ്രഖ്യാപനം വന്നില്ളെങ്കിലും ഇക്കാര്യത്തില്‍ താരവും ടീം മാനേജ്മെന്‍റും ധാരണയിലത്തെിയതായാണ് സൂചന. ബ്ളാസ്റ്റേഴ്സുമായി മാര്‍ഷെന കരാര്‍ ഒപ്പിട്ടതായി വിദേശ മാധ്യമങ്ങളും റിപ്പോര്‍ട്ട് ചെയ്തിട്ടുണ്ട്. സ്പെയിനിനുവേണ്ടി 2006, 2010 ലോകകപ്പും നിരവധി യൂറോപ്യന്‍ ചാമ്പ്യന്‍ഷിപ്പും കളിച്ച താരമാണ് മാര്‍ഷെന. സെന്‍ട്രല്‍ ഡിഫന്‍ഡറായും ഡിഫെന്‍സീവ് മിഡ്ഫീല്‍ഡറായും തിളങ്ങാനുള്ള കഴിവും നേതൃപാടവും പരിഗണിച്ചാണ് മാര്‍ഷനെയെ മാര്‍ക്വീ താരമായി തെരഞ്ഞെടുത്തത്.

ഇംഗ്ളീഷ് താരനിരയാകും ഇത്തവണ ബ്ളാസ്റ്റേഴ്സിലെ ശ്രദ്ധാകേന്ദ്രം. ആറോളം ഇംഗ്ളീഷ് കളിക്കാരുമായാണ് ടീം ചര്‍ച്ച പൂര്‍ത്തിയാക്കിയത്.  ക്രിസ് ഡഗ്നലാകും മുന്നേറ്റ നിരയില്‍ ഇയാന്‍ ഹ്യൂമിന്‍െറ കുറവ് നികത്തുക. ഡഗ്നല്‍ മഞ്ഞക്കുപ്പായത്തില്‍ കളിച്ചേക്കുമെന്നാണ് ബ്ളാസ്റ്റേഴ്സിനോട് അടുത്ത വൃത്തങ്ങള്‍ സൂചിപ്പിക്കുന്നത്. ഇംഗ്ളീഷ് രണ്ടാം ലീഗ് കളിക്കുന്ന ലെയ്റ്റണ്‍ ഓറിയന്‍റില്‍ തുടരാനുള്ള ക്ഷണം ഡഗ്നല്‍ നിരസിച്ചിരുന്നു. വെസ്റ്റഹം മുന്‍ ഗോള്‍കീപ്പര്‍ സ്റ്റീഫന്‍ ബെയാട്ടറാണ് ഡേവിഡ് ജയിംസിനു പകരക്കാരനാകുന്നത്. ബെയാട്ടറുമായി ആദ്യവട്ട ചര്‍ച്ചകള്‍ പൂര്‍ത്തിയാക്കി. മുന്‍ ന്യൂകാസില്‍ യുനൈറ്റഡ് താരം പീറ്റര്‍ റാമേജും ബ്ളാസ്റ്റേഴ്സിലത്തെും. ഇംഗ്ളീഷ് പ്രീമിയര്‍ ലീഗിലെ അനുഭവ സമ്പത്താണ് ഇരുവരെയും പരിഗണിക്കാനുള്ള കാരണം. ക്വീന്‍സ് പാര്‍ക്ക് റേഞ്ചേഴ്സിന്‍െറ യുവതാരം അന്‍േറാണിയോ ജര്‍മന്‍, മുന്‍ ലിവര്‍പൂള്‍ താരം പോള്‍ ആന്‍ഡേഴ്സണ്‍, ഗോള്‍ അടിക്കുന്നതിനൊപ്പം അടിപ്പിക്കുന്നതിലും മികവ് കാണിക്കുന്ന ഗില്ലിങ്ഹാം ക്ളബ് മിഡ്ഫീല്‍ഡര്‍ ജെര്‍മെയ്ന്‍ മക് ഗ്ളാഷന്‍ എന്നിവരുമായും ചര്‍ച്ചകള്‍ പൂര്‍ത്തിയാക്കിയിട്ടുണ്ട്.

അയര്‍ലന്‍ഡ് താരം അലന്‍ ജയിംസ് ഡണ്‍, പോര്‍ച്ചുഗീസ് താരം ജുവാ കാര്‍ലോസ് കൊയിംബ്ര, ബാഴ്സലോണ അക്കാദമിയിലൂടെ കളിച്ചുവളര്‍ന്ന ജോസുവെ ക്യുരെയ്സ് പ്രെയ്റ്റോ, നോര്‍വെക്കാരനായ ലിവര്‍പൂള്‍ താരം  ജോണ്‍ ആര്‍നെ റീസെ, മുന്‍ ആഴ്സനല്‍ താരം അലക്സാണ്ടര്‍ ഹ്ലെബ് എന്നിവരാണ് മഞ്ഞക്കുപ്പായത്തിലത്തെുന്ന മറ്റു വിദേശികള്‍. റീസെയും ഹ്ലെബും ഒഴികെ താരങ്ങള്‍ സമ്മതം മൂളിയതായാണ് സൂചന.
13 ഇന്ത്യന്‍ കളിക്കാരും വിക്ടര്‍ ഫൊര്‍സാഡോ എന്ന വിദേശിയുമാണ് ഇപ്പോള്‍ ടീമിലുള്ളത്. ഒരു ഗോള്‍കീപ്പര്‍, അഞ്ച് ഡിഫന്‍ഡര്‍മാര്‍, ആറ് മിഡ്ഫീല്‍ഡര്‍മാര്‍, ഒരു ഫോര്‍വേഡ് എന്നിങ്ങനെയാണ് ടീമിന്‍െറ ഇപ്പോഴത്തെ അവസ്ഥ. ഒരു ഇന്ത്യന്‍ ഗോള്‍കീപ്പറെയും 11 വിദേശ താരങ്ങളെയും ടീമിന് സ്വന്തമാക്കാം. വിദേശതാരങ്ങള്‍ക്കായി അനുവദിക്കപ്പെട്ട 15.50 കോടിയില്‍15.11കോടി രൂപയും മിച്ചമുണ്ട്. ഈ സാഹചര്യത്തില്‍ പരിചയസമ്പന്നരായ സീനിയര്‍ താരങ്ങള്‍ക്കൊപ്പം യുവാക്കളെയും ഉള്‍പ്പെടുത്തി സന്തുലിതവും ശക്തിയേറിയതുമായ ടീമിനെ അണിനിരത്താനാകും ഇംഗ്ളണ്ടുകാരനായ കോച്ച് പീറ്റര്‍ ടെയ്ലറിന്‍െ ശ്രമം. കരാര്‍ ഉറപ്പിക്കാനുള്ള 31നു മുമ്പ് തന്നെ ടീമിനെ പ്രഖ്യാപിച്ചേക്കും.
 

Categories: general

സിറിയയിലേക്ക് കരസേനയെ അയക്കില്ല ^തുര്‍ക്കി പ്രധാനമന്ത്രി

Madhyamam - 6 hours 4 min ago
Image:  Subtitle:  സിറിയയില്‍ തുര്‍ക്കിയുടെ ഷെല്ലാക്രമണം; ആരോപണം നിഷേധിച്ച് തുര്‍ക്കി, തുര്‍ക്കി അഭ്യര്‍ഥനയെ തുടര്‍ന്ന് നാറ്റോ യോഗം വിളിച്ചു

ഇസ്തംബൂള്‍: ഐ.എസ് സ്വാധീനമുള്ള സിറിയയിലേക്ക് കരസേനയെ അയക്കില്ളെന്ന് തുര്‍ക്കി പ്രധാനമന്ത്രി അഹ്മദ് ദാവൂദ് ഒഗ്ലു. നിലവിലുള്ള വ്യോമാക്രമണം തുടരുമെന്നും അദ്ദേഹം പറഞ്ഞു. മേഖലയുടെ താളംതെറ്റുന്ന നടപടികളിലേക്ക് തുര്‍ക്കി നീങ്ങാന്‍ ഉദ്ദേശിക്കുന്നില്ല്ള എന്ന് ടര്‍ക്കിഷ് പത്ര എഡിറ്റര്‍മാരോട് സംസാരിക്കുന്നതിനിടെയാണ് ദാവൂദ് ഒഗ്ലു പറഞ്ഞത്. തുര്‍ക്കി അതിര്‍ത്തിയില്‍ ഐ.എസ് എത്തുന്നത് ആഗ്രഹിക്കുന്നില്ളെന്ന് അദ്ദേഹം കൂട്ടിച്ചേര്‍ത്തു. കുര്‍ദുകള്‍ക്കെതിരെയും ഐ.എസിനെതിരേയും ഇറാഖിലും തുര്‍ക്കിയിലും ശക്തമായ വ്യോമാക്രമണമാണ് തുര്‍ക്കി നടത്തിക്കൊണ്ടിരിക്കുന്നത്.

അതേസമയം, വടക്കന്‍ സിറിയയിലെ കുര്‍ദ് പ്രദേശത്ത് തുര്‍ക്കി ഷെല്ലാക്രമണം നടത്തിയതായി കുര്‍ദിഷ് പീപ്ള്‍സ് പ്രൊട്ടക്ഷന്‍ യൂനിറ്റ് (വൈ.പി.ജി) ആരോപിച്ചു. സിറിയയിലെ കുര്‍ദുകളെ തങ്ങള്‍ ഇതുവരെ ലക്ഷ്യംവെച്ചിട്ടില്ളെന്ന് തുര്‍ക്കി അറിയിച്ചു. ആരോപണത്തില്‍ അന്വേഷണം ആരംഭിച്ചതായി അങ്കാറയില്‍ അധികൃതര്‍ പറഞ്ഞു. കൊബയ്നിന് പുറത്തുള്ള സിറിയന്‍ ഗ്രാമത്തിലെ ചെക്പോയന്‍റിലാണ് രാത്രിയില്‍ തുര്‍ക്കി ടാങ്കുകളില്‍നിന്ന് ഷെല്ലുകള്‍ പതിച്ചതെന്ന് കുര്‍ദിഷ് വൃത്തങ്ങളെ ഉദ്ധരിച്ച് അല്‍ജസീറ റിപ്പോര്‍ട്ട് ചെയ്തു.

ആക്രമണത്തില്‍ നാലു സൈനികര്‍ക്ക് പരിക്കേറ്റതായി സിറിയന്‍ മനുഷ്യാവകാശ നിരീക്ഷണ (എസ്.ഒ.എച്ച്.ആര്‍) സംഘടന പറഞ്ഞു. സൈനിക നടപടി അന്താരാഷ്ട്ര സമാധാനത്തിന് ഭീഷണിയായിരിക്കുമെന്ന് സിറിയയിലെ പ്രധാന കുര്‍ദിഷ് പാര്‍ട്ടി ഡെമോക്രാറ്റിക് യൂനിയന്‍ പാര്‍ട്ടി (പി.വൈ.ഡി) ഈ മാസാദ്യം തുര്‍ക്കിക്ക് മുന്നറിയിപ്പ് നല്‍കിയിരുന്നു. സിറിയയില്‍ ഐ.എസിനെതിരെ പൊരുതുന്ന വൈ.പി.ജിയെ ഉപയോഗിച്ച് തിരിച്ചടിക്കുമെന്നും പി.വൈ.ഡി അറിയിച്ചിരുന്നു.

ഇതിനിടെ, തുര്‍ക്കിയുടെ ആവശ്യപ്രകാരം നാറ്റോ ജനറല്‍ സെക്രട്ടറി ജെന്‍സ് സ്റ്റോള്‍ട്ടന്‍ബര്‍ഗ് അടിയന്തര യോഗം വിളിച്ചു. കഴിഞ്ഞ ആഴ്ച സറൂജിലുണ്ടായ തീവ്രവാദ ആക്രമണവും മേഖലയിലെ സുരക്ഷാ ഭീഷണിയും ചര്‍ച്ച ചെയ്യാനാണ് നാറ്റോ യോഗം വിളിക്കാന്‍ തുര്‍ക്കി ആവശ്യപ്പെട്ടത്.

നാറ്റോയുടെ അനുച്ഛേദം 4 പ്രകാരമാണ് തുര്‍ക്കിയുടെ ആവശ്യം. അതിര്‍ത്തിയില്‍ ആക്രമണങ്ങളോ സുരക്ഷാഭീഷണിയോ നേരിടുകയാണെങ്കില്‍ അംഗരാജ്യങ്ങള്‍ക്ക് ഇത്തരത്തില്‍ യോഗങ്ങള്‍ വിളിക്കാവുന്നതാണ്. തുര്‍ക്കിയുടെ ആവശ്യത്തിന് കാര്യമുണ്ടെന്നും സിറിയയിലെയും ഇറാഖിലേയും പ്രശ്നങ്ങളില്‍ ഇടപെടാനുള്ള ശരിയായ സമയമാണിതെന്നും ജെന്‍സ് സ്റ്റോള്‍ട്ടന്‍ബര്‍ഗ് പറഞ്ഞു.

Categories: general

‘പി.കെ’ക്ക് കത്തെഴുതാം, ആറു കോടി സമ്മാനം നേടാം

Madhyamam - 6 hours 6 min ago
Image: 

ലണ്ടന്‍: മനുഷ്യസങ്കല്‍പങ്ങളില്‍ നിറഞ്ഞുനില്‍ക്കുന്നതാണ് അന്യഗ്രഹ ജീവികള്‍. ഹോളിവുഡ് സിനിമ ‘അവതാറും’ ഇന്ത്യക്കാരുടെ ‘പി.കെ’യുമെല്ലാം അവയുടെ മനുഷ്യസൃഷ്ടികള്‍ മാത്രം. സങ്കല്‍പത്തിലുള്ള അന്യഗ്രഹ ജീവികള്‍ക്ക് ഒരു കത്തെഴുതിയാലോ? മികച്ച സന്ദേശത്തിന് ഒരു മില്യണ്‍ യു.എസ്. ഡോളര്‍ അതായത്  ആറു കോടിയോളം ഇന്ത്യന്‍ രൂപയാണ് സമ്മാനമായി ലഭിക്കുക.

അന്യഗ്രഹ ജീവികളെ കണ്ടത്തൊന്‍ 100 മില്യണ്‍ യു.എസ് ഡോളര്‍  (641.8 കോടി ഇന്ത്യന്‍ രൂപ) ഫണ്ട് നല്‍കുന്ന റഷ്യന്‍ കോടീശ്വരന്‍ യൂരി മില്‍നെറാണ്  ഭൗമേതര നാഗരികതയിലേക്ക് അയക്കാനുള്ള മികച്ച സന്ദേശത്തിന് ആറു കോടിയോളം രൂപ സമ്മാനമായി നല്‍കുന്നത്.  എന്നാല്‍, കാര്യം അത്ര നിസ്സാരമല്ല. മനുഷ്യ ഭാഷയിലെഴുതിയ സന്ദേശങ്ങള്‍ ആദ്യംതന്നെ ജഡ്ജസ് തള്ളിക്കളയുമെന്നാണ് 1960 മുതല്‍ ഭൗമേതര നാഗരികതയെക്കുറിച്ചുള്ള ഗവേഷണങ്ങള്‍ക്ക് നേതൃത്വം നല്‍കുന്ന ഫ്രാങ്ക് ഡേര്‍ക് വ്യക്തമാക്കിയത്.

ചിലര്‍ വിവേകരഹിതമായി ഇംഗ്ളീഷില്‍ സന്ദേശമയച്ചിട്ടുണ്ട്. ആയിരക്കണക്കിന് വര്‍ഷങ്ങള്‍ക്കുശേഷമായിരിക്കും ഈ സന്ദേശങ്ങള്‍ ചിലപ്പോള്‍ അന്യഗ്രഹ ജീവികള്‍ക്ക് ലഭിക്കുകയെങ്കില്‍ക്കൂടി അതില്‍ ധാരാളം വിവരങ്ങള്‍ അടങ്ങിയിരിക്കണമെന്നാണ് നിബന്ധന. ഞങ്ങള്‍ക്കു നിങ്ങളുടെ സുഹൃത്തുക്കളാകാന്‍ ആഗ്രഹമുണ്ടെന്നുപറഞ്ഞുള്ള സാധാരണ സന്ദേശങ്ങളയച്ചു നിരാശപ്പെടുത്തരുത്.  നമുക്ക് മറ്റു ജീവികളുമായി സാമ്യമുള്ള കാര്യങ്ങളാണ് കൂടുതലായും അതില്‍ വേണ്ടത്.

കഴിഞ്ഞയാഴ്ചയാണ് ലണ്ടനിലെ റോയല്‍ സൊസൈറ്റിയില്‍ പ്രശസ്ത ബ്രീട്ടിഷ് ഊര്‍ജ്ജതന്ത്രജ്ഞന്‍ സ്റ്റീഫന്‍ ഹോക്കിങ്ങിന്‍െറ നേതൃത്വത്തില്‍ 100 മില്യണ്‍ യു.എസ് ഡോളറിന്‍െറ ചരിത്രപരമായ ഭൗമേതര ഗവേഷണങ്ങള്‍ക്ക് തുടക്കമിട്ടത്. ഭൂമിക്കുമീതെയുള്ള ബുദ്ധിയുള്ള ജീവന്‍െറ തുടിപ്പുതേടി നടത്തുന്ന ലോകത്തെ ഏറ്റവും വലിയ ഗവേഷണമായാണ് ഇതിനെ കണക്കാക്കുന്നത്.
എന്നാല്‍ എഴുതാല്ളേ ഒരു കത്ത്?!

Categories: general

ഒബാമയുടെ ഇത്യോപ്യ സന്ദര്‍ശനം തുടങ്ങി

Madhyamam - 6 hours 7 min ago
Image:  Subtitle:  ‘പ്രതിപക്ഷ കക്ഷികളെ അടിച്ചമര്‍ത്തുന്നതും മാധ്യമസ്വാതന്ത്ര്യം ഇല്ലാതാവുന്നതും തടയണം’

ആഡിസ് അബബ: ആഫ്രിക്കന്‍ സന്ദര്‍ശനം തുടരുന്ന യു.എസ് പ്രസിഡന്‍റ് ബറാക് ഒബാമ രണ്ടു ദിവസത്തെ കെനിയ സന്ദര്‍ശനത്തിനുശേഷം ഇത്യോപ്യയിലത്തെി. സോമാലിയയിലെ അല്‍ശബാബ് ഉയര്‍ത്തുന്ന ഭീഷണിയും വാണിജ്യ, മനുഷ്യാവകാശ വിഷയങ്ങളും പ്രധാനമന്ത്രി ഹൈല്‍മറിയം ഡേസലീനുമായി ഒബാമ ചര്‍ച്ചനടത്തി. ഇത്യോപ്യ സന്ദര്‍ശിക്കുന്ന ആദ്യ യു.എസ് പ്രിസിഡന്‍റാണ് ഒബാമ. ചൊവ്വാഴ്ച ആഡിസ് അബബയില്‍ നടക്കുന്ന ആഫ്രിക്കന്‍ യൂനിയന്‍ ഉച്ചകോടിയെയും ഒബാമ അഭിസംബോധന ചെയ്യും.

വ്യാപാരബന്ധങ്ങള്‍ വിപുലീകരിക്കുന്നതിന്‍െറ ഭാഗമായാണ് ഒബാമയുടെ ആഫ്രിക്ക വന്‍കരയിലേക്കുള്ള സന്ദര്‍ശനം. ആഫ്രിക്കയിലെ അതിവേഗം വളരുന്ന സമ്പദ്വ്യവസ്ഥകളിലൊന്നാണ് ഇത്യോപ്യ. ആഡിസ് അബബ വിമാനത്താവളത്തില്‍ ഒബാമക്ക് ഊഷ്മള സ്വീകരണമാണ് ലഭിച്ചത്. അല്‍ശബാബിനെക്കുറിച്ചും സോമാലിയയിലെ ആഭ്യന്തര സംഘര്‍ഷങ്ങളെക്കുറിച്ചും ഒബാമ മേഖലയിലെ രാഷ്ട്രനേതാക്കളുമായി ചര്‍ച്ച നടത്തി. സോമാലിയയില്‍ അല്‍ശബാബിനെതിരായ യു.എസ് സൈനിക നടപടിയില്‍ ഇത്യോപ്യ സഹകരിക്കുന്നുണ്ട്. തീവ്രവാദ വിരുദ്ധ നടപടിയില്‍ ഇത്യോപ്യ പ്രധാന പങ്കാളിയാണെന്ന് ചര്‍ച്ചക്കുശേഷം നടത്തിയ പ്രസംഗത്തില്‍ പറഞ്ഞു.

അതേസമയം, ഇത്യോപ്യയില്‍ രാഷ്ട്രീയ സ്വാതന്ത്ര്യം ഇല്ലാതാവുന്നതില്‍ ആശങ്ക പ്രകടിപ്പിച്ചു. പ്രതിപക്ഷ കക്ഷികളെ അടിച്ചമര്‍ത്തുന്നതും മാധ്യമസ്വാതന്ത്ര്യം ഇല്ലാതാവുന്നതും ഇത്യോപ്യ പോലുള്ള രാജ്യത്തിന് ഗുണകരമാവില്ളെന്ന് അദ്ദേഹം മുന്നറിയിപ്പ് നല്‍കി. മനുഷ്യാവകാശം ഉറപ്പുവരുത്തുന്നതിലും നല്ല ഭരണം നടത്താനും സര്‍ക്കാര്‍ ശ്രദ്ധകാണിക്കണമെന്ന് അദ്ദേഹം പറഞ്ഞു.

ഈയിടെ നടന്ന തെരഞ്ഞെടുപ്പില്‍ പ്രതിപക്ഷ പാര്‍ട്ടികള്‍ക്ക് ഒരു സീറ്റും നേടാനായിരുന്നില്ല. 1980കളില്‍ പട്ടിണി രൂക്ഷമായ ഇത്യോപ്യ സാമൂഹിക വികസന പദ്ധതികളിലൂടെയാണ് സാമ്പത്തിക വളര്‍ച്ച കൈവരിച്ചത്.

Categories: general

എസ്കലേറ്ററില്‍ യുവതിക്ക് ദാരുണ അന്ത്യം

Madhyamam - 6 hours 10 min ago
Image:  Subtitle:  ലാന്‍ഡിങ് പ്ളാറ്റ്ഫോം തകര്‍ന്നു വീഴുകയായിരുന്നു

ബെയ്ജിങ്: ഷോപ്പിങ് മാളിലെ എസ്കലേറ്ററിനുള്ളില്‍പെട്ട് ചൈനീസ് യുവതിക്ക് ദാരുണാന്ത്യം. ‘മരണ വിഴുങ്ങലില്‍’നിന്ന് രണ്ടു വയസ്സ് മാത്രമുള്ള മകനെ ജീവിതത്തിലേക്ക്  തള്ളിമാറ്റിയാണ് യുവതി മരണത്തിന് കീഴടങ്ങിയത്. മധ്യ ചൈനയിലെ ഹുബേയ് പ്രവിശ്യയിലെ ജിങ്ഷൗ നഗരത്തില്‍ ഞായറാഴ്ചയാണ് ദാരുണ സംഭവം നടന്നത്.

ഷോപ്പിങ് മാളിലത്തെിയ 30 കാരിയായ ഷിയാങ് ലിയുവാന്‍ എസ്കലേറ്ററിലൂടെ മുകളിലത്തെിയപ്പോഴാണ് അപകടം. എസ്കലേറ്ററില്‍ നിന്ന് ഇറങ്ങാന്‍ ശ്രമിക്കുന്നതിനിടെ ലാന്‍ഡിങ് പ്ളാറ്റ്ഫോം തകര്‍ന്നു വീഴുകയായിരുന്നു. പ്ളാറ്റ് ഫോം തകര്‍ന്ന് എസ്കലേറ്ററിന് അകത്ത് വീഴുന്നതിന് മുമ്പ് മകനെ രക്ഷപ്പെടുത്താന്‍ ലിയുവാന്‍ ശ്രമിക്കുന്ന സി.സി.ടി.വി ദൃശ്യങ്ങള്‍  ചൈനയില്‍ വൈറലായിരിക്കുകയാണ്. മുകളിലുണ്ടായിരുന്ന മാള്‍ ജീവനക്കാര്‍ യുവതിയെ വലിച്ചുകയറ്റാന്‍ ശ്രമിച്ചെങ്കിലും വിജയിച്ചില്ല.

എസ്കലേറ്റര്‍ വിഴുങ്ങിയ ലിയുവാന്‍ തല്‍ക്ഷണം മരണത്തിന് കീഴടങ്ങി. നാലു മണിക്കൂറിനു ശേഷം എസ്കലേറ്റര്‍  പൊളിച്ചുമാറ്റിയാണ് യുവതിയുടെ മൃതദേഹം പുറത്തെടുത്തത്. അടുത്തിടെ അറ്റകുറ്റപ്പണി നടത്തിയതിനുശേഷം ലാന്‍ഡിങ് പ്ളാറ്റ് ഫോമിന്‍െറ പാനല്‍ നിരത്തിയെങ്കിലും സ്ക്രൂ ഉറപ്പിച്ചിരുന്നില്ളെന്ന് ചൈനീസ് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു. സംഭവം ചൈനയിലെ സോഷ്യല്‍ മീഡിയയില്‍ വന്‍ രോഷത്തിന് കാരണമായി. സംഭവവുമായി ബന്ധപ്പെട്ട പോസ്റ്റുകള്‍ 20 മില്യണ്‍ ആള്‍ക്കാരാണ് കണ്ടത്.

Categories: general

‘രോഹിണി’ കുതിച്ചുയര്‍ന്നപ്പോള്‍ കാര്‍മികന്റെ റോളില്‍ കലാം

Siraj - 6 hours 19 min ago

kalam1തിരുവനന്തപുരം: എസ് എല്‍ വി എന്ന വിക്ഷേപിണിയിലൂടെ 40 കിലോഗ്രാം ഭാരമുള്ള ഉപഗ്രഹം വിജയകരമായി ഭ്രമണപഥത്തിലെത്തിയപ്പോള്‍ മുഖ്യകാര്‍മികന്റെ റോളില്‍ കലാമായിരുന്നു. ഐ എസ് ആര്‍ ഒ ജീവിതത്തെക്കുറിച്ച് പറയുമ്പോഴെല്ലാം കലാമിന് നൂറ് നാവായിരുന്നു.
ഒന്നുമില്ലായ്മയില്‍ നിന്നാണ് 40 ഗ്രാം മാത്രം ഭാരമുള്ള രോഹിണിയെന്ന ഉപഗ്രഹം കലാം വിഭാവനം ചെയ്യുന്നത്. 1980 കളില്‍ വികസിപ്പിച്ചെടുത്ത 1200 കി ഗ്രാം ഭാരമുള്ള ഉപഗ്രഹ വിക്ഷേപണ ശേഷിയുള്ള പി എസ് എല്‍ വി 90കളിലെ ജി എസ് എല്‍ വി എന്നിവ വികസിപ്പിച്ചെടുത്തത് എത്രത്തോളം ആയാസകരമായിരുന്നുവെന്നോ അതിലും ദുഷ്‌കരമായിരുന്നു 70കളിലെ എസ് എല്‍ വി എന്ന ഉപഗ്രഹത്തിന്റെ സ്വപ്‌ന സാക്ഷാത്കാരമെന്ന് കലാം തന്നെ പിന്നീട് പറഞ്ഞിട്ടുണ്ട്.
എസ് എല്‍ വി ഒന്നാം ഘട്ടത്തിന് ഒരു മീറ്റര്‍ വ്യാസവും ഉള്ളില്‍ പത്തു ടണ്‍ ഖര ഇന്ധനവുമായിരുന്നു. ഇതിനെക്കാള്‍ ചെറുതെങ്കിലും ശേഷിക്കുന്ന മൂന്നു ഘട്ടങ്ങളും കനത്ത വെല്ലുവിളി നിറഞ്ഞതായിരുന്നു. ഇതിലേക്കായി ഇന്ധനം വികസിപ്പിച്ച് ആവശ്യമായ അളവില്‍ ഉത്പാദിപ്പിക്കുക, ഇന്ധനത്തെ ഉള്‍ക്കൊള്ളാന്‍ കഴിയുന്ന ശക്തിയേറിയ സ്റ്റീല്‍ കവചങ്ങള്‍ നിര്‍മിക്കുക എന്നിവ മുഖ്യ വൈതരണികളായിരുന്നു.
കവചങ്ങള്‍ നിര്‍മിക്കുന്നതിനായി ഐ എസ് ആര്‍ ഒ അന്നു മുതല്‍ക്കാണ് വ്യവസായ സ്ഥാപനങ്ങളെ സമീപിച്ചത്.
റോക്കറ്റിന്റെ കവചങ്ങളെ ശരിയായ രീതിയില്‍ സംയോജിപ്പിക്കുക, കത്തിത്തീരുന്ന മുറക്ക് ഉപയോഗശൂന്യമായ റോക്കറ്റിന്റെ ഘട്ടങ്ങളെ വേര്‍പ്പെടുത്തുക. നിര്‍ദിഷ്ട പഥത്തിലൂടെ ഗതി നിയന്ത്രണ സംവിധാനങ്ങളുപയോഗിച്ച് ഉപഗ്രഹ വാഹനത്തെ നയിക്കുക, വാഹനത്തിന്റെ പ്രയാണത്തെ ഭൂമിയില്‍ നിന്ന് റഡാറുകളും മറ്റുമുപയോഗിച്ച് നിരീക്ഷിക്കുക ഇവയെല്ലാം കഠിന പ്രയത്‌നത്തിലുടെ രാജ്യത്തിന് എത്തിപ്പിടിക്കാനായത് കലാമിന്റെ വൈദഗ്ധ്യത്തിലൂടെയാണ്.

Categories: general
Syndicate content

  • See video
  • See video
  • See video
  • See video
  • See video
  • See video
  • See video
  • See video
  • See video
  • See video

User login